சில நிமிடத் துளி

உன்னுடன் நுழைகையில் 

அந்த சிறிய கடையும்

பிரம்மாண்டமாய் காட்சியளிக்கிறது..

ஒவ்வொன்றின் விலையையும்

விசாரித்துக் கூடைக்குள்

எடுத்து வைத்தபடி இன்னும் 

பார்வையிட்டு செல்கையில் 

விற்பனைப் பிரதிநிதியொருத்தி

வாய்த்திறமையால் 

ஒரு குளியல் சோப்பைத் 

தலையில் கட்ட 

மறுபேச்சின்றி வாங்கிக் கொண்டேன்..

வேண்டாமென்றால் இன்னும் பேசி

உன்னுடன் நானிருக்கும் 

சில நிமிடத் துளிகளையும்

பிடுங்கிக் கொள்வாளெனும் 

அச்சத்துடன்..