Saturday, December 04, 2010

அடையாளம்

எல்லாமே அனுபவம்தான் 
வாழ்வதும்.. 
வீழ்வதும்..
வாழ்வது வெற்றியின் அடையாளம்..
வீழ்வது வெற்றியின் அலங்கோலம். 
வாழவிரும்புகிறேன்.. 
அடையாளத்தோடு

செத்துப் போ

போராடி வாழ்ந்து 
போராடி வாழ்ந்து 
போரடித்து விட்டது..
கொஞ்சம் செத்துப் போகலாம்.. 
போராடாமல்.

மழைத்துளி

உப்பிய பலூனாய் 
மேலே மேலே பறக்கிறேன்.. 
ஒரு சின்ன ஊசியுடன் 
என்னெதிரே வருகிறாய் 
மழைத்துளியின் வடிவில்.. 

மழை

என் காதலை 
மேகத்த்திடம் 
சொல்லியிருந்தால் 
மழை தந்திருக்கும்..
உன்னிடம் சொல்லியதால் 
வலி தந்தாய்.. 

என் வலியை 
உன்னிடம் சொல்லுகிறேன்.. 
முகம் திருப்புகிறாய்..
மரணத்திடம் சொல்லுகிறேன்..  
மீட்டு விடும்.. 

Wednesday, December 01, 2010

காதல்

நான் சொல்வதெல்லாம் காதல் 
காதலைத் தவிர
வேறொன்றுமில்லை..

நாளொரு மேனி

வளர்த்துக் கொண்டேதான் இருக்கிறேன் 
நாளொரு மேனியும்
பொழுதொரு வண்ணமுமாக 
உன்னால் கண்டுகொள்ளப்படாத 
நேசத்தை.. 

நேசம்

என் நேசம் 
உன்னைக் காயப்படுத்தினால் 
நிறுத்திக் கொள்வேன்
என் சுவாசத்தை..