Saturday, May 15, 2010

இது வேலை நேரம்



காதல் செய்வதா?
வேலை செய்வதா?
குழப்பத்துடன் சிந்திக்க ஆரம்பித்தேன்..

வேலை காதலையும் 
காதல் வேலையையும்
அனுமதிப்பதில்லை..
சிறிது உட்கார்ந்து யோசித்தேன்..

இரண்டிற்கும் சமமான 
நேரத்தை
ஒதுக்கலாமென்றல்
காதலும் வேலையும்
ஒன்றானதல்ல..
சிறிது எழுந்து யோசித்தேன்..

காதலை வேலையாகவும்
வேலையைக் காதலாகவும்
செய்யலாமெனில் 
நிகழ்த்துதலில் ஏற்படும்
சிரமங்கள் உறுத்தின..
சிறிது நடந்து யோசித்தேன்..

ரகசியம் பிடிபட்டது
காதல் நேரத்தில் 
காதலையும்
வேலை நேரத்தில் 
வேலையையும் 
செய்வதென தீர்மானிக்கையில்
அவனிடமிருந்து
குறுஞ்செய்தி வந்தது..
அலைபேசியை அணைத்து விட்டு 
கணிணியை இயக்கினேன்..
இது வேலை நேரம்.

No comments: