நடைபாதை

பெரும் இரைச்சலுடன்

கடந்து போகும் வாகனப் பொதிகளுக்கு

மத்தியில்

கண்ணீருடன் பயணப்படுமென் 

விழிகளை யாரும் 

கண்டு கொள்ள இயலாதுதான்.. 

சொட்டு சொட்டாய் வீழும் கண்ணீரைத் 

தொட்டுத் தொட்டு உலர வைக்கும்

காற்றுக்கு மட்டும் 

என் கண்ணீருக்கான இரகசியம் தெரியும்.. 

யாரிடமும் சொல்லத் தெரியாத 

காரணத்தால் 

காற்றை மட்டும் அனுமதித்திருக்கிறேன்..

என் கண்களுக்கும், கனவுகளுக்குமான

நடைபாதைகளில்..