Wednesday, August 04, 2010
Monday, August 02, 2010
புரிந்து கொள்
உன் பார்வையில் நட்பும்
தொடரும்
பயணத்தின் முடிவு
எதுவாக இருப்பினும்
அதனுள்ளே உயிர்த்திருப்பது
புரிதலும், நம்பிக்கையுமே
புரிந்து கொள்வாய்
நம்புகிறேன்..
துயரத்தின் வேர்கள்
முகம் தாங்கியுன்
கூர் பார்வையில்
உதடுகள் சிறிதே
விரிந்தசையும் போதிலென்
துயரத்தின் வேர்கள்
தூள் தூளாகும்.
அழை
Thursday, July 22, 2010
ஊடல்
உன்னிடம்
ஊடல் கொள்ளும் போது
தோழியர்களிடம்
கொட்டித் தீர்த்து விடுகிறேன்
ஒரு போதும்
சொல்லியதில்லை
ஊடல் தீர்ந்து கூடியதை..
முன் அனுமதி
நேரமில்லை என்கிறாய்
ஒருவேளை
மரணம் என்னை
அழைக்கும் போது
உன்னிடம் முன் அனுமதி
பெற வேண்டியிருக்கும் போலும்..
மௌனம்
கிளி
ஆக்டோபஸ்
இன்னும் பிற
யாவற்றிடமும் கேட்டுவிட்டேன்
என் காதல் நிறைவேறுமாவென
எல்லாம் மௌனம் சாதிக்கின்றன..
உன்னைப் போல்..
ஆக்டோபஸ்
வெறுக்குமென் மனம்
ஆக்டோபஸிடம்
அலைபாய்கிறது
ஆரூடம் கேட்க அல்ல..
அதனிடம் இருக்கும்
மூன்று இதயங்களில்
ஒன்றை உனக்கு தரவேண்டி..
Tuesday, July 20, 2010
மறுதலி
காதலால் நிரப்பி!
உனக்குத் துணிவிருக்கலாம்மறைத்து
வைத்திருப்பதில் பயனென்ன?
உனக்கு காதலிருக்கலாம்
மௌனம்
சாதிப்பதில் நிகழ்வதென்ன?
உனக்கு இசைவிருக்கலாம்
பிடிவாதத்தால்
ஆகக் கூடியதொன்றுமில்லை..
உனக்கு புரிந்திருக்கலாம்
முரண்டு பிடிப்பதில்
முன்னேற்றம் இருக்கப் போவதில்லை..
உனக்குப் போராடப் பிடித்திருந்தால்
வந்துவிடு
இந்த வாழ்க்கை அழகானது என்பதை
அறியத் தருகிறேன்..
உன்னைக் காதலால் நிரப்பி!
ஒற்றைப் புன்னகை
கை நிறைய கனவுகளையும்
மனம் நிறைய காதலையும்
சுமந்து திரிகிறேன்
எத்தனையோ பேர்
சாதுரியத்தால்
அபகரிக்க முயன்றும்
தோற்றுத் திரும்பினர்..
ஒருவன்தான்
ஒற்றைப் புன்னகையில்
அத்தனையும் கொய்து போனான்..
மனம் நிறைய காதலையும்
சுமந்து திரிகிறேன்
எத்தனையோ பேர்
சாதுரியத்தால்
அபகரிக்க முயன்றும்
தோற்றுத் திரும்பினர்..
ஒருவன்தான்
ஒற்றைப் புன்னகையில்
அத்தனையும் கொய்து போனான்..
தேவதை
என் குறுஞ்சிறகுகளில்
உன் பார்வை பட்டது..
வண்ணமானேன்
உன் சுவாசம் தீண்டியது..
வாசமானேன்..
உன் நிழல் படர்ந்தது
பெண்ணானேன்
உன் நிஜம் தரிசித்தேன்
தேவதையானேன்..
உன் பார்வை பட்டது..
வண்ணமானேன்
உன் சுவாசம் தீண்டியது..
வாசமானேன்..
உன் நிழல் படர்ந்தது
பெண்ணானேன்
உன் நிஜம் தரிசித்தேன்
தேவதையானேன்..
நீயே அறியாத வண்ணம்
சாபமிடு
உன் அன்பினில்
Saturday, July 17, 2010
இருவருக்குமான அவன்..
என் உயிர்த் தோழி அவள்எனக்குப் பிடித்ததெல்லாம்
அவளுக்கும் பிடித்திருக்கும்
அவளுக்கு பிடித்த எதுவும்
எனக்குப் பிடிக்காமலிருந்ததில்லை
என்னைப் போலவே
தனது நேரத்தின் பெரும்பகுதியை
புத்தகங்களுக்குக் கொடுத்திருப்பாள்
தன் இரவுகளில் காதுகளை
இசைக்குத் தாரை வார்த்திருப்பாள்
புதிய சந்திப்புகளில் தனது
நட்புக்கரங்களை நீட்டுவாள்
எதைப்பற்றியும் எல்லோரிடமும்
வெளிப்படையாகப் பேசுவாள்
எப்போதாவது தூரிகை தொட்டு
ஓவியம் தீட்டுவாள்
தினமும் ஏதாவதொன்றை
வெள்ளைத் தாளிலோ
செல்லிடப்பேசியிலோ பதித்து வைப்பாள்
அவளைப்போலவே
அழகுணர்ச்சியில் ஆர்வம் கூட்டியிருந்தேன்
அறியாமையை விரட்டிக் கொண்டிருந்தேன்
கனவுகளுக்கு புதிய வண்ணம் தீட்டியிருந்தேன்
நட்புகளிடையே நெருக்கம் கொண்டிருந்தேன்
பிடிக்காத விஷயத்தை விட்டு விலகியிருந்தேன்
பிடித்தவற்றை விரும்பி விரும்பி செய்தேன்
அவளைப் போலவே நான்
என்னைப் போலவே அவள்
எனது கவிதைகளையொத்திருந்தது அவள் கவிதைகள்
அவளது இசையினையொத்திருந்தது எனது இசை
திடீரென் தொடர்பு எல்லையில் இருந்து மறைந்தாள்
ஒருநாள் வந்து
ஒருவனிடம் காதலில் விழுந்ததாகச் சொன்னால்
அதற்குப் பிறகு
அனைத்திலிருந்தும் விலகியிருந்தாள்
எப்போதாவது சந்திப்பாள்
அவனைப்பற்றியே பேசுவாள்
அவளை மீட்க நினைக்கவேயில்லை
அவளும் மீள விரும்பவில்லை
துக்கம் தாளாது
ஒருநாள் நானும் விழுந்தேன்
அவள் விழுந்ததாகச் சொன்ன
அதே இடத்தில்..
இப்போது
இருவரையும் மீட்க
போராடிக் கொண்டிருந்தான்
இருவருக்குமான அவன்..
காதலா? சாதலா?
தேர்ந்தெடுத்தேன் பற்றுதலை...
துண்டிக்கவா? தொடரவா?
எனும் போது
எனும் போது
தேர்ந்தெடுக்கிறேன் தொடர்தலை..
ஏற்றுக் கொள்ளவா? ஒதுக்கிவிடவா?
எனும் போது
எனும் போது
தேர்ந்தெடுத்தேன் ஏற்றுக் கொள்ளுதலை..
காதலா? சாதலா? எனும் போது
தேர்ந்தெடுக்கும் உரிமை
உன்னிடம் தரப்படுகிறது ...
தேர்ந்தெடு எதுவாயினும்
தயாராகிறேன் எதற்கும்..
ஒருவேளை மரணத்தை
பரிசளித்தால் உயிர்த்தெழவும்..
உடன்வர யாருமில்லை
பகிர்ந்தளிக்க யாருமில்லை
என் தூக்கத்தை நீயே தூங்குகிறாய்..
என் உணவு வேளையில்
உடன்வர யாருமில்லை
என் பசிக்கும் சாப்பிட்டு விடுகிறாய்..
என் சிந்தனையைக்
கேட்பதற்கு யாருமில்லை
எனக்கும் சேர்த்து சிந்திக்கிராய்
என் வாழ்க்கையை
நீட்டிக்க விருப்பமில்லை
எனக்கும் சேர்த்து வாழ்ந்திருப்பாய்
உன் ஸ்பரிசத்தில்
கவிதை எழுதுவீர்களென
கேட்பவர்களுக்கு
ஓரப்புன்னகையையும்
சமாளிக்கும் வார்த்தைகளையும்
பதிலிறுக்கிறேன்..
உன் நினைவென்னை
கொன்று போடும் சமயங்களில்
உன் ஸ்பரிசத்தில்
மூர்ச்சையுற்று மயங்கி சரிகையில்
உன் ஓரிரு சொற்களென்
உயிர் குடிக்கையில்
அடம்பிடித்து பிடிவாதமாய்
சண்டையிடுகையில்
இப்படியான பதில்களையும்
இதற்கு மேலானவற்றையும்
நீயே அறிவாய்..
துடிப்பறியும் இதயமாய்..
பால்கட்டிக் கொண்ட மார்பின் வலி
செயல்களாலோ
உன் மீதான நேசத்தின்
முழுப்பரிமாணத்தையும்
காட்டவியலாத போது
பால்கட்டிக் கொண்ட
மார்பின் வலியுணர்கிறேன்..
கையாலாகாத சொற்கள்
உனக்கு உண்மையாகவும்
எனதுண்மையை
உனக்கு உளறலாகவும்
அறியத் தரும்
கையாலாகாத சொற்களை
வைத்துக் கொண்டு
என்ன செய்ய?
வெளிநடப்பு
வரும் சொற்களை
நீ கேட்க தயாரில்லாத நிலையில்
ஆர்ப்பாட்டமோ,
கூச்சலோயின்றி
வெளிநடப்பு செய்கின்றன..
சோர்ந்த சொற்கள்..
Tuesday, June 29, 2010
கவலைப் படாதே
என் நண்பர்கள் யாரும் உனக்கோ
தொடர்பில்லாத போது
என் இல்லாமையை
எப்படி உனக்கு அறியத் தர.?
கவலைப் படாதே
உன் கண்ணெதிரிலேயே
உயிரற்றுப் போகிறேன்..
Saturday, June 12, 2010
உனக்குள்
இன்னும் ஒரே இரவு.
நான் எழுதக் கூடும்"
பாப்லோ நெரூடாவின்
அந்த வரிகள்
என்னை அழுத்திக் கொண்டேயிருக்கிறது..
நீ இரவாகும் போது
நான் நிலவென்றும்
நீ நிலவாகும் போது
நான் இரவென்றும்
நீயனுப்பிய
குறுஞ்செய்திகள்
வலியை அதிகப்படுத்துகிறது..
ஒவ்வொரு முறையும்
உன் வரவால்
அலங்கரிக்கப்பட்ட இரவு
மூன்று நாட்களாக
மூளியாயிருக்கிறது..
நீ வந்துவிட்டால்
இனி ஒவ்வொரு இரவும்
முழுநிலவின் உச்சம்..
உன் வருகைக்காக
என்னிடமிச்சமிருக்கிறது
இன்னும் ஒரே இரவு..
காட்சிப் பிழையாய்

காட்சிப் பிழையாய்
நகருமென் கணங்களில்
சரியாய் பொருந்தியிருக்கிறாய்..
எங்கெங்கு காணினும்
நீயே தோன்றுகிறாய்..
குறைந்த தூர, நீண்ட தூர பயணத்தில்
பேருந்திற்காக காத்திருக்கையில்
பேருந்தில் ஜன்னலோரத்தில் தலைசாய்க்கையில்
எங்கேனும் மண்வாசம் உணருகையில்
திடீரென மழை நனைக்கையில்
கொளுத்தும் வெயிலில் மரநிழல் எதிர்ப்படுகையில்
முடியைக் கலைக்கும் ஜன்னல் காற்றில்
குழந்தைகளுடன் குதூகலிக்கையில்
சொந்தங்கள் பலவும் பேசுகையில்
நண்பனின் திருமணத்தில்
தூரத்து உறவினரின் இரங்கலில்
பாட்டியென் கைபற்றி பேசிய கணங்களில்
பசி வயிற்றைக் கிள்ளியெறியும் போதில்
வயிறு நிரம்பியிருக்கும் வேளைகளில்
அலுவலக வேலை நேரங்களில்
அமைதியை நாடும் தனிமையில்
மின்னஞ்சல் முகவரியை தட்டச்சு செய்கையில்
அதுனூடாக இரகசிய வார்த்தைகளை இடுகையில்
மெல்லிசையில் மனம் லயிக்கையில்
குறுஞ்செய்தி வருகயில் எழும் ஒலியில்
தொலைபேசி அழைப்பு வருகையில்
சிக்னலில் பரபரக்கையில்
படுக்கையில் ஓய்வெடுக்கையில்
நாளிதழ்கள் வாசிக்கையில்
கவிதைகள் படிக்கையில்
கனவுகளை நினைக்கையில்
எண்ணங்களை சொல்கையில்
ஏக்கங்கள் எழுதுகையில்
துயரம் மேலிட அழுகையில்
மகிழ்ச்சி எட்டிப்பார்க்கையில்
படுவேகத்தில் நிதானிக்கையில்
ரசனை மிகுகையில்
காலை எழுமுன் உருண்டு புரள்கையில்
இரவு நித்திரையில் வீழ்கையில்
இதயம் துடிக்கும் தோறும்
இமைகள் மூடியிருக்கும் போதும்
வாழ்தலின் தூண்டுதலிலும்
மரணத்தின் விளிம்பிலும்
எங்கெங்கு காணினும்
காட்சிப் பிழையாய்
சரியாய் பொருந்தியிருக்கிறாய்!
இந்த நொடியில்..
நேசி
புரிதலுடன்..
உன் விழிப்பிற்குப் பின்.
எறும்பின் வரிசை
நன்றாகவே தெரியும்..
அவை எறும்பின் வரிசை
சரசரவென உதிர்வதுபோல
கொட்டுகின்றன..
சிலவற்றில் மகரந்தமும்
சிலவற்றில் சூலும்
இன்னும் சில பதராகவும்..
நான் யார் காதலுக்கு..
பேரிடர்களையும்
சந்தித்துவிட்ட என்
பயணத்தில்
உயிருக்குள்
கிள்ளிப் போட்ட
நெருப்பாய் சுடுகிறது..
காதலை ஏந்தி செல்வது
ஏந்தி செல்லவோ
இறக்கி விடவோ
நான் யார் காதலுக்கு..
பெண்மை
நினைவின் அடுக்குகளில்
ஏறி செல்கிறாய்..
உன் பாதம்
பட்ட இடங்களில்
பூத்துக் கிடக்கிறதென்
பெண்மை...
இறுதியாய் உன் முகம் மட்டும்
கண்மூடி சரிகிறேன்..
உன் முகம் மட்டும்
இறுதியாய்
என் நினைவில்..
உடனே
வாழ்தலுக்கான
பெருவிருப்போடு
மரணத்தை வெல்கிறேன்..
கையளவு
இறங்கியவர்களை விட
காதலை
தள்ளி நின்று
பார்க்கிறவர்கள்
அள்ளிச் செல்கின்றனர்
கையளவு காதலையாவது..
வெற்றியல்ல
ஒன்றைத் தேர்ந்தெடு
ஒவ்வொருமுறையும் வார்த்தை முத்துக்களை உதிர்த்து
காதலா? நட்பா? என சொல்ல
இதயம் பல்லாங்குழியில்லை..
மூடிய கையை நீட்டி
ஒன்றைத் தேர்ந்தெடுக்க
இது ஒத்தையா? ரெட்டையா? இல்லை..
சிறு தக்கையினை
மணலில் மூடி வைத்து
சரியான இடத்தைக் கண்டுபிடிக்கச் சொல்ல
இது கிச்சுக் கிச்சு தாம்பாளமில்லை.
மொத்தத்திலென் முடிவை மாத்திக் கொள்ளும்
உத்தேசம் ஏதுமில்லை..
என் நேசமொன்றும்
விளையாட்டுப் பொருளில்லை.
Subscribe to:
Posts (Atom)






















.jpg)



.jpg)
















