வார்த்தைகள்

உன்னை அழைக்கும் போதெல்லாம்

‘இப்போதுதான் நினைத்தேன்’

என்று சொல்லும் 

வார்த்தைகளை

ரசிக்கிறேன்

உண்மையில்லாத போதிலும்..

ஏனெனில் அடிக்கடி 

சொல்லும் வார்த்தைகள்

உண்மையாகிவிடக் கூடுமாம்.. 

ஒற்றை வார்த்தை

நீ

முன்னர் உதிர்த்த 

ஒற்றை வார்த்தையின் 

கைப்பிடித்து 

நெடுந்தூரம் வந்துவிட்டேன்..

இது ஒருவழிப்பாதைதான்

உடன் நீயும் வரலாம்

திரும்ப இயலாது..

மறந்துவிடாதே

திரும்பப் பெற்றுக் கொள்ள

வார்த்தைகள்

வெறும் பொருளல்ல.. 

பலூன் பாரம்

இன்னும்
நீ சொல்லாமலிருக்கும்
அந்த ஒற்றை வார்த்தையையும்
சொல்லிவிட்டால்
பலூனில் அடைபட்ட காற்று
ஊசிமுனை பட்டு
வெடித்து வெளியேறுவதைப் போல
என் பாரமும் ஓடிவிடும்..
எப்போது சொல்ல இருக்கிறாய்?

வசந்தமாய்..

இல்லையென்று
ஒரு போதும் சொல்லிவிடாதே..
எப்போதாவது
ஆமென்று சொல்லும்
அந்த ஒற்றை
வார்த்தையை
எதிர்பார்த்தே
என் வாழ்நாள்
வசந்தமாக கழியட்டும்..