குறுஞ்செய்தி

பண்டிகைக் கால நாட்களை எண்ணி 

விரைவாகவும், 

நிறைவாகவும் 

வேலை செய்யும் தொழிலாளியின் 

மனநிலைதான் எனக்கும்..

நீ சந்திக்க வருகிறாய் என்று குறுஞ்செய்தி 

அனுப்பியதில் இருந்து,.. 

நீ இரவு & நான் நிலவு

தூங்கும் முன்பும்

தூக்கத்தின் நடுவிலும்

எழுந்ததும்

குளித்ததும்

சாப்பிட்டதும்

அலுவலகம் செல்லும் முன்பும்

செல்லும் வழியிலும்

சென்ற பின்னும்

வேலையினிடையேயும் 

அலைபேசியை எடுத்துப்

பார்ப்பது வழக்கம்

உன் குறுஞ்செய்திக்கும் 

அழைப்பிற்கும் 

ஏங்கித் தவிக்குமென்

மனதிற்கு ஒரே ஆறுதல்

இன்னும் பத்திரப்படுத்தியிருக்கும்

ஆறு மாதத்திற்கு முன்

உன்னால் அனுப்பப்பட்ட 

‘நீ இரவு & நான் நிலவு’

எனும் குறுஞ்செய்தி.

குறுஞ்செய்தி

இலையோடு 

மழை பேசும் ரகசியமாய் 

என் அலைபேசியோடு

உன் குறுஞ்செய்தி.

சாட்சியமாக.

உனது 

முந்தைய குறுஞ்செய்திகளை

அவ்வப்போது 

மீண்டும் எடுத்துப் படிக்கிறேன்..

அவை பிரதிபலிக்கின்றன

முந்தைய நமது

மனநிலையை..

அவை பிரதியாயிருக்கின்றன

சிற்சில நிகழ்வுகளின்

சாட்சியமாக..

ஆயிரமாயிரம்

உனது 

ஒற்றைப் பார்வையில்

ஆயிரமாயிரம் வார்த்தைகளையும்

உனது 

ஒற்றை ஸ்பரிசத்தில்

ஆயிரமாயிரம் கனவுகளையும்

உனது 

ஒற்றைக் குறுஞ்செய்தியில் 

ஆயிரமாயிரம் எண்ணங்களையும் 

விரியச் செய்தாய்..

எனது 

ஆயிரமாயிரம் பாடல்களும்

ஆயிரமாயிரம் கவிதைகளும் 

உன்னிடம் 

ஒரு துளி காதலைக் கூடவா 

விதைக்காமலிருக்கும்..? 

நினைக்கும் தோறும்..

கவனத்தின் போதாமையாலும் 

கயவர்களின் திருட்டு தனத்தாலும் 

செல்லைத் தொலைத்து விட்டு 

எண்கள் தொலைந்து போனதற்காகவும் 

வீட்டில் திட்டு வாங்க வேண்டியிருக்குமெனவும் 

குற்றுணர்வின் விளிம்பு நிலையிலும் 

பதறும் மனதின் துடிப்பிற்கு மத்தியில் 

காதலாலானவனுக்கு 

நேசத்திலும் கோபத்திலும் 

பெறப்பட்ட 

காதலியின் 

மீட்க முடியாக குறுஞ்செய்திகள் 

பற்றிய சிந்தனை 

வதைத்தெடுக்கும்

நினைக்கும் தோறும்.. 

குறுஞ்செய்தி

என் தனிமையை 

தின்று தீர்க்க 

நீயனுப்பிய 

குறுஞ்செய்திகள்

நிரம்பி வழிகிறது

என் அலைபேசியில்.. 

பசியூட்டும் 

அட்சயப்பாத்திரமாய்..