ஆயிரமாயிரம்

உனது 

ஒற்றைப் பார்வையில்

ஆயிரமாயிரம் வார்த்தைகளையும்

உனது 

ஒற்றை ஸ்பரிசத்தில்

ஆயிரமாயிரம் கனவுகளையும்

உனது 

ஒற்றைக் குறுஞ்செய்தியில் 

ஆயிரமாயிரம் எண்ணங்களையும் 

விரியச் செய்தாய்..

எனது 

ஆயிரமாயிரம் பாடல்களும்

ஆயிரமாயிரம் கவிதைகளும் 

உன்னிடம் 

ஒரு துளி காதலைக் கூடவா 

விதைக்காமலிருக்கும்..? 

அழிவுறா எழுத்து

சிதைவுற்ற பொழுதுகளை

சீராக்கியும்

மங்கிப் போன கனவுகளுக்கு 

ஒளியேற்றியும்

வெறிச்சோடியிருந்தயென் பூமியில் 

விதையூன்றியும்

மேகங்களைத் திரட்டி

மழைபொழிந்தும்

பசுமை நிறைத்த உன் நேசத்திற்கு

எதைக் கொடுத்து ஈடாக்குவேன்?

அழிவுறா எழுத்துக்களில்

உன்னை வாழவைப்பதை தவிர..