Showing posts with label கவிதை. Show all posts
Showing posts with label கவிதை. Show all posts

Saturday, June 12, 2010

உனக்குள்

நான் செல்லும் வழியெங்கும் 
உனக்கான கவிதைகளை 
விதைத்துச் செல்கிறேன் ..
நான் தொலைந்து போகும் 
ஒரு தருணத்தில் 
என் சொற்களில் ஏறி பயணி.. 
அந்த சொற்களின் முடிவு நீ 
புறப்பட்ட இடத்திலேயே 
உன்னைச் சேர்க்கும்.. 
ஆம்..
ஒருநாள் யார் புலன்களுக்கும் 
தெரியாமல் 
தொலைந்து போயிருப்பேன் 
உனக்குள் 

Tuesday, May 25, 2010

சிறு பார்வை


மெல்லியத் திரையிட்டு 
மறைந்திருக்கும் காதலை 
எதைக் கொண்டு 
வெளிக்காட்ட? 
ஒற்றைக் கவிதையையும் 
சிறு பார்வையையும் 
விடுத்து... 

நம்பிக்கை


நமது நேசத்திலுடனிருந்த 
இரவும், பகலும், நாயும்
கவிதையும், காகமும், 
விமானத்தின் பேரிரைச்சலும்
செல்லக்குட்டியும்
அலைபேசியும், குறுஞ்செய்தியும்
சமாதானப்படுத்துகின்றன..
நான் துவளுகையில்..
இன்னும் நம்பிக்கை
இழந்துவிடாதபடி..

ஆயிரமாயிரம்


உனது 
ஒற்றைப் பார்வையில்
ஆயிரமாயிரம் வார்த்தைகளையும்

உனது 
ஒற்றை ஸ்பரிசத்தில்
ஆயிரமாயிரம் கனவுகளையும்

உனது 
ஒற்றைக் குறுஞ்செய்தியில் 
ஆயிரமாயிரம் எண்ணங்களையும் 
விரியச் செய்தாய்..

எனது 
ஆயிரமாயிரம் பாடல்களும்
ஆயிரமாயிரம் கவிதைகளும் 
உன்னிடம் 
ஒரு துளி காதலைக் கூடவா 
விதைக்காமலிருக்கும்..? 

Monday, May 17, 2010

உனக்குள்...

நான் செல்லும் வழியெங்கும்
உனக்கான கவிதைகளை
விதைத்துச் செல்கிறேன் ..
நான் தொலைந்து போகும்
ஒரு தருணத்தில்
என் சொற்களில் ஏறி பயணி..
அந்த சொற்களின் முடிவு நீ
புறப்பட்ட இடத்திலேயே
உன்னைச் சேர்க்கும்..
ஆம்..

ஒருநாள் 
யார் புலன்களுக்கும்
தெரியாமல்
தொலைந்து போயிருப்பேன்
உனக்குள்...

Saturday, May 15, 2010

கவிதை


நாம் சந்திப்புகளை
நொடி நொடியாய்
நினைவுபடுத்த 
நம்மைத் தவிரவும்
ஒன்றிருக்கிறது..
வேறெது?
இந்த கவிதைகள்தான்!

சிறு அசைவுகள்


உன்னைப் பற்றிய 
கவிதைகளை வாசிக்கும் போது
உன் கண்களிலும்
உதடுகளிலும்
தெறிக்கும் 
சிறு அசைவுகள்
சொல்லிவிடக் கூடும்
என் மீதான காதலை.. 

Tuesday, September 29, 2009

காதலின் வெளியில்..

உன் மீதான
நேசத்தை
எங்கே ஒளித்து வைப்பதென
தெரியாமல்
தற்காலிகமாக
கவிதைகளில் ஒளித்து
வைத்திருக்கிறேன்..
அதை
நீ கண்டுபிடிக்கும் பொழுதுகளில்
அது சிறகடிக்கும்
காதலின் வெளியில்...