Showing posts with label நினைவு. Show all posts
Showing posts with label நினைவு. Show all posts

Tuesday, September 28, 2010

எழுது

கசப்புமிகுந்த 
கடந்தகாலத்தினை
வெட்டியெறிய 
கத்தரிக்கோலும்..

சில வெறுப்புமிக்க 
நினைவுகளை
அழித்தெடுக்க 
அழிப்பானொன்றும் 
வேண்டி நிற்கிறேன்..

இனி 
விருப்பமிக்க 
வாழ்வையெழுத 
எழுதுகோலொன்றும்.

Wednesday, September 15, 2010

உன் நினைவு


உன்னைப்போல் 
அவ்வளவு எளிதாக..
தற்காத்து
தடுக்க முடிவதில்லை.. 
உருண்டோடிக் கொண்டிருக்கும்
உன் நினைவுகளை.. 

Tuesday, May 25, 2010

ஒற்றை வார்த்தை


உன்னை நினைவூட்டாமல் 
இருப்பதில்லை
என் கைகளில் தவழும் 
புத்தகங்களின்
பக்கங்களில் 
ஏதேனும் 
ஒற்றை வார்த்தையேனும்..

Saturday, May 15, 2010

நேசத்தின் கையளிப்பு


ஒரு காலைப் பொழுதில்
கதவிடுக்கில்
விரல்பட்டு நசுங்கியதாக
நீயும்
குளிக்கும் போது
எனது நகத்தாலான பெருங்கீறலை
நானும்
சொல்லிக் கொண்டோம்..
பின்னர் வந்த நாட்களில்
அது பற்றிய விசாரிப்புகள்
கடந்த பின்னும் 
எஞ்சியிருக்கும் தழும்புகள்
நினைவுபடுத்துகின்றன
நேசத்தின் கையளிப்புகளை..

நினைக்கும் தோறும்..


கவனத்தின் போதாமையாலும் 
கயவர்களின் திருட்டு தனத்தாலும் 
செல்லைத் தொலைத்து விட்டு 
எண்கள் தொலைந்து போனதற்காகவும் 
வீட்டில் திட்டு வாங்க வேண்டியிருக்குமெனவும் 
குற்றுணர்வின் விளிம்பு நிலையிலும் 
பதறும் மனதின் துடிப்பிற்கு மத்தியில் 
காதலாலானவனுக்கு 
நேசத்திலும் கோபத்திலும் 
பெறப்பட்ட 
காதலியின் 
மீட்க முடியாக குறுஞ்செய்திகள் 
பற்றிய சிந்தனை 
வதைத்தெடுக்கும்
நினைக்கும் தோறும்.. 

Thursday, December 31, 2009

மறதி-பசி

ஒரு பொருளை
எடுத்த இடத்தில் வைப்பதில்லை..
வைத்த இடமும் ஞாபகத்தில்
இருப்பதில்லையெனவும்.. 
முன்னர் வாங்கிவரும்
தின்பண்டங்களை ஒன்று விடாமல்
காலி செய்யும் நான்
இப்போதெலாம்
சாப்பிடுவதேயில்லையெனவும்
வருத்தமுற்ற அம்மா
மறதியொழிக்க வல்லாரைச் சட்டினியும்
பசியெடுக்க பிரண்டைத் துகையலும்
உண்ணத் தருகிறாள்..
அவளுக்கெப்படித் தெரியும்?
உன்னை நினைத்து
மற்ற அனைத்தையும் மறப்பதும்..
பசலையால் பசியெடுக்காதிருப்பதும்..

உன் நினைவு.

ஒரு வாரம்
பார்க்காமலிருக்கலாம்..
ஒரு மாதம்
பேசாமலிருககலாம்..
ஒரு  நிமிடம்
சுவாசிக்காமல் இருக்க முடியுமா?
என் சுவாசம்
உன் நினைவு.